Onde durmir

Este ano ofrecémosvos varias acampadas para acomodarse ás vosas necesidades. Dende un principio a acampada sempre foi gratuíta e é algo que seguimos a conservar, unha zona de acampada situada enfrente á praia de Covas.

Co paso do tempo, fumos ampliando as zonas de acampada, creamos a opción de Resucamp, o noso camping oficial, e o Beachcamp, o noso camping a carón da praia. Este ano imos a propoñer diferentes formas de acampar en Viveiro:

Acampada gratuíta

As acampadas incluidas nos nosos abonos do festival. Zona A, situada en Covas, dentro do parque Pernas Peón e a escasos metros da praia de Covas. Como sempre, haberá buses ao recinto, terá baños e duchas gratuítas, estará preto de servizos de restauración, e cun supermercado itinerante na zona de acampada como anos pasados. A zona B, estará situada no miradoiro de San Roque, cunha gran zona de aparcamento.

Resucamp

Trátase dun emprazamento situado a escasos metros da entrada ao festival, a praia de Celeiro e onde poderás dispoñer de servizos como duchas de auga quente, WC’s, servizo de cafetería, enchufes para a recarga de dispositivos electrónicos, aparcamento ata completar o aforo, etc. En breves á venda.

Tickets + Información sobre o Resucamp

Beachcamp

Trátase dunha zona de acampada a carón da praia de Area, con vistas espectaculares e unha ubicación inmellorable preto do recinto, promete ser unha das acampadas máis solicitadas e emblemáticas e con comodidades similares ás que ofrece o Resucamp e con buses continuos ao recinto.

Tickets + Información sobre o Beachcamp

Área Glamping

Un dos éxitos do ano pasado, trátase dunha área onde podes atoparte con tódalas necesidades cubertas, únicamente terías que chegar e deixar a túa mochila na tenda. Na nosa área glampling, nós proporcionaríamosche unha tenda con superficie branda para durmir, colchón, electricidade, aseos e duchas, seguridade…ti escolles o que desexas traerte! En breves á venda.

Información sobre o glamping