Acampadas de balde

Seguimos coas novidades deste ano! Para esta edición seremos máis xente que outros anos e para que esteamos todos cómodos, creamos o noso Beachcamp, melloramos o Glamping, ampliamos e melloramos o noso Resucamp, e agora podemos anunciarvos que tamén as nosas acampadas gratuitas habituais!

A acampada A, situada no Parque de Pernas Peón, en Covas, e a tradicional desde os nosos comezos, foi agrandada para acoller a máis xente e engadimos máis baños ca nunca, duchas de auga quente (ademáis das frías xa existentes). Coma sempre, haberá buses cada pouco tempo desde a acampada ao recinto e viceversa por un prezo simbólico. Será a vosa acampada favorita se vos gusta especialmente a festa e o bo ambiente ao lado da praia e do centro de Viveiro. Ademáis, este ano tamén haberá un supermercado ao lado da acampada.

Seguimos coa acampada B, situada no Mirador de San Roque, posiblemente unha das acampadas de festivais con mellores vistas de España (na imaxe). Conta con aparcamento (Ollo: non hai buses nesta acampada).

En tódalas acampadas haberá aparcamentos nas proximidades, e poderedes ir dende principios da semana antes de que comece o festival.

MAPA