COMPARTE A TÚA OPINIÓN para celebrar un 20º aniversario inesquecible!

Continuamos facendo historia no Resurrection Fest marcando un novo fito nas nosas axendas tras esgotar os 15.000 abonos Early Bird en cuestión de horas. Todo grazas a vós, que sodes a nosa comunidade e un dos motores imprescindibles para que o festival funcione ano tras ano, impulsando tamén a todo o noso equipo a continuar co duro traballo que supón organizar e coordinar un evento de tales dimensións.

Como sempre buscamos mellorar e ofrecervos a mellor das experiencias, gustaríanos ter en conta a vosa opinión para poñer a punto a próxima edición de 2025, na que celebraremos o noso 20º Aniversario.

AXUDÁDESNOS?

Creamos unha enquisa cos puntos clave para que nos transmitades as vosas opinións. Ademais, ao participar nela, entraredes no sorteo de 2 abonos dobres Pandemonium para a edición de 2025.

¡PARTICIPA AGORA NA ENQUISA PREMENDO NESTE ENLACE!

Comeza o noso 20º aniversario. Comeza a conta atrás. ¡Contamos con vós!

¡Vémonos o 25, 26, 27 e 28 de xuño de 2025 en Viveiro!